اشتہارات کاغیرقانونی ٹھیکہ ریفرنس،سماعت پھر ملتوی۔۔

احتساب عدالت نے سابق وزیر اعظم یوسف رضاگیلانی اور دیگر کے خلاف اشتہارات کے غیر قانونی ٹھیکوں سے متعلق ریفرنس کی سماعت 27 نومبر تک ملتوی کر دی۔ گزشتہ روز سماعت کے دوران شریک ملزمان کی جانب سے دائر بریت کی درخواست پر محفوظ شدہ فیصلہ موخر کر دیا گیا۔ ریفرنس میں نامزد ریاض حاشر سمیت دیگر ملزمان نے بریت کی درخواست دائر کر رکھی ہے۔ عدالت نے بریت کی درخواست پر محفوظ شدہ فیصلہ سنانے کیلئے 27 نومبر کی تاریخ مقرر کی ہے۔