میڈیا ورکرزکیلئے پیکیج کا جائزہ لے رہے ہیں، وفاقی سیکرٹری اطلاعات۔۔

پاکستان فیڈرل یونین آف جرنلسٹس ورکرز کے صدر پرویز شوکت نے وفاقی سیکرٹری اطلاعات اکبر درانی سے ملاقات کی اور ان سے علاقائی اخبارات کے مسائل میڈیاکارکنوں کو تنخواہوں کی عدم ادائیگی اور دیگر امور پر بات چیت کی، اے پی این ایس کے صدر جی ایم جٹ بھی ان کے ہمراہ تھے، پرویز شوکت نےوفاقی سیکرٹری کو باور کرایا کہ علاقائی اخبارات کے ڈیکلیریشن منسوخ کرنے اور ان کو 25فیصد کوٹے سے محروم کرنے کی اطلاعات سے صورتحال خراب ہورہی ہے ، وفاقی سیکرٹری اطلاعات اکبر درانی نے یقین دلایا کہ جو چھوٹے اخبارات باقاعدگی سے شائع ہو رہےہیں ان کی بندش کا سوال ہی پیدا نہیں ہوتا جو ڈمی اخبارات ہیں ان کے بارے میں جائزہ لیا جائیگا ،پرویز شوکت نے وفاقی سیکرٹری کو بتایا کہ انہوں نے وزیراعظم کو جو بےروزگار اخباری اور الیکٹرانک میڈیا ملازمین کے پیکج کےلیے خط لکھا اس پیکج کا فوری طور پر اعلان کیا جائے جس پر سیکرٹری اطلاعات نے کہا اس پر اعلیٰ سطح کمیٹی جائزہ لے رہی ہے۔