پی ایف یوجے کی احتجاجی کیمپ میں  گولیاں پھینکنے کی مذمت۔۔

پاکستان فیڈرل یونین آف جرنلسٹس نے راولپنڈی میں جنگ اور جیو کے ایڈیٹر انچیف میر شکیل الرحمٰن کی رہائی کے لیے دھرنا دینے والوں کی جانب گولیاں پھینکے جانے کے واقعے کی مذمت کی ہے۔ایک بیان میں پی ایف یو جے کے صدر شہزادہ ذوالفقار اور سیکریٹری جنرل ناصر نے کہا ہے کہ نا معلوم افراد کی جانب سے گولیاں پھینکنے اور نا زیبا زبان استعمال کرنے کا مقصد خوف و ہراس پھیلانا ہے۔پی ایف یو جے نے حکومت سے واقعے کی مکمل تحقیقات کرنے اور ذمہ داروں کو فوری گرفتار کرنے کا مطالبہ کیا ہے۔واضح رہےکہ گزشتہ روز راولپنڈی میں جنگ اور جیو کے ایڈیٹر انچیف میر شکیل الرحمٰن کی غیرقانونی گرفتاری کے خلاف لگائے گئے احتجاجی کیمپ کے باہر نامعلوم افراد پستول کی گولیاں پھینک کر فرار ہوگئے تھے۔