یوٹیوب پر کوئی مواد بلاک نہیں کرسکتے، پی ٹی اے۔۔

اسلام آباد ہائیکورٹ کے جسٹس عامرفاروق کی عدالت نے سوشل میڈیا ویب سائٹ پر گستاخانہ فلم کی ریلیز کیخلاف درخواست پر پی ٹی اے سے گستاخانہ مواد روکنے کیلئے اقدامات سے متعلق تفصیلی رپورٹ طلب کر لی،گز شتہ روز سماعت کے دوران پی ٹی اے کے حکام نے بتایا کہ بیسٹ نیٹ فلیکس نامی ویب سائٹ سے متنازعہ مواد ہٹانے کیلئے رابطہ کر لیا ہے ،نیٹ فلیکس پر فلم کا ٹریلر تھا ، کوشش کررہے ہیں کہ یوٹیوب پاکستان میں دفتر کھولے ، یوٹیوب پر ہم خود سے کوئی مواد بلاک نہیں کرسکتے ، جسٹس عامرفاروق نے کہا کہ اچھا ہو گا تمام سوشل میڈیا سائٹس کے پاکستان میں دفاتر کھل جائیں،متنازعہ فلم پر پابندی تب لگائیں گے جب پاکستان میں ریلیز ہوگی،فلم انٹرنیٹ پر دستیاب ہے تو اس کا وزارت اطلاعات سے تعلق نہیں بنتا ، پی ٹی اے نے ایسے مواد پر نظر رکھنی ہے ،عدالت نے سماعت دو ہفتوں تک ملتوی کردی۔