سندھ اسمبلی کے باہر نوائے وقت کے برطرف ملازمین کا احتجاج

نوائے وقت سے ریٹائرڈ اورجبری برطرف ملازمین نے اپنے واجبات کے حصول کے لئے سندھ اسمبلی کے باہر احتجاجی مظاہرہ کیااور دھرنادیا۔مظاہرین نے مطالبات پر مبنی بینرزاورپلے کارڈز اٹھارکھے تھے انہوں نے وزیراعلی سندھ اور اراکین سندھ اسمبلی سے واجبات کی ادائیگی کے لئے نوٹس لینے کا مطالبہ کیا۔اس موقع پر مظاہرین نے وزیر اعلی مرادعلی شاہ سے اپیل کی کہ نوائے وقت کے  اشتہارات کے پیسوں سے ملازمین کے واجبات اداکئے جائیں۔انہوں نے یہ کہاکہ اگر ہمارے مسائل نہ ہوئے تو وزیراعلی ہائوس پر دھرنادیاجائے گا۔۔متاثرین نوائے وقت ایکشن کمیٹی کا کہنا تھا کہ وفاقی حکومت تاخیری حربے ترک کرکے آئی ٹی این ای میں جج تعینات کرے۔۔