شعیب اخترکوآف ائرکرنے کے فیصلے پر حیرانگی۔۔

پاکستان تحریکِ انصاف (پی ٹی آئی) کے رہنما و سینیٹر فیصل جاوید خان نے بھی استعفیٰ دیے جانے کے باجود شعیب اختر کو آف ایئر کرنے کے اعلان پر حیرانگی کا اظہار کیا ہے۔فیصل جاوید خان نے سرکاری ٹی وی کی طرف سے جاری کیے گئے بیان پر ردّعمل دیتے ہوئے کہا کہ ’یہ حیران کُن اور عجیب ہے۔ اُنہوں نے کہا کہ ’شعیب اختر پہلے ہی خود آف ایئر ہو چکے تھے اور لائیو شو سے استعفیٰ دے دیا تھا تو پھر بار بار کیوں آف ایئر کا کہا جارہا ہے۔خیال رہے کہ انکوائری کمیٹی نے سرکاری ٹی وی پر شعیب اختر کو شو چھوڑ کر جانے کا کہنے والے اینکر پرسن ڈاکٹر نعمان نیاز کو فوری طور پر آف ایئر کرنے کی سفارش کی تھی جس کے بعد انہیں آف ایئر کردیا گیا ہے۔