چیف جسٹس آف پاکستان جسٹس عمر عطاء بندیال کی صاحبزادی سحر زریں بندیال نے پاکستان الیکٹرانک میڈیا ریگولیٹری اتھارٹی (پیمرا) کی شکایات کونسل کی رکن کے عہدے سے استعفیٰ دے دیا۔سحر زریں بندیال کے استعفیٰ کی کاپی سوشل میڈیا پر وائرل ہوچکی ہے۔ انہوں نے اپنے استعفیٰ میں لکھا کہ وہ سنہ 2019 سے پیمرا شکایات کونسل کی رکن ہیں اور اب فیملی مصروفیات کی وجہ سے کام جاری نہیں رکھ سکتیں۔ انہوں نے اپنے عہدے سے استعفیٰ یکم اپریل کو دیا تھا۔خیال رہے کہ سحر زریں بندیال چیف جسٹس عمر عطاء بندیال کی صاحبزادی اور ایک متحرک وکیل ہیں۔ ان کی مسلم لیگ ن لاہور کے سابق صدر پرویز ملک کے صاحبزادے بیرسٹر احمد پرویز ملک سے 2013 میں شادی ہوئی تھی۔
Facebook Comments
