ڈان نیوز چینل کی انتظامیہ نےاپنے تمام ملازمین کے یوٹیوب چینلز اور کسی بھی دوسرے پبلی کیشنز یانیوزبلاگز میں شرکت لینے پر پابندی عائد کردی ہے۔۔ ڈان نیوز چینل کا انتظام سنبھالنے والی ارورہ براڈکاسٹنگ سروسز (پرائیویٹ) لمیٹڈنے اپنے تمام ملازمین کے نام ای میل پیغام بھیجا ہے۔۔جس میں کہاگیا ہے کہ ۔۔ملازمت کی شرائط کے مطابق کوئی بھی فائدہ مند ملازمت یا سرگرمی جو انتظامیہ کی واضح پیشگی تحریری منظوری کے بغیر ارورہ براڈکاسٹنگ سروسز (پرائیویٹ) لمیٹڈ کے مفادات سے متصادم ہو سکتی ہے۔ اسے ملازمت کی شرائط کی خلاف ورزی اور تادیبی کارروائی کے لیے کھلا قرار دیا گیا ہے۔۔ڈان نیوزانتظامیہ نے ملازمین کو کہا ہے کہ یوٹیوب چینلز یا کسی اور پبلی کیشنز سے وابستگی کے لئے پیشگی تحریری منظوری لازمی لینی ہوگی۔۔انتظامیہ کے مطابق، تجارت یا کاروبار کی کسی دوسری شکل میں شامل ہونے، باقاعدہ یوٹیوب یا اس سے ملتا جلتا سوشل میڈیا چینل رکھنے، دیگر پبلیکیشنز/ویب سائٹس کے لیے مقامی یا غیر ملکی لکھنے کی مزید اجازت نہیں ہے۔۔چینل انتظامیہ نے ملازمین کو خبردار کیا ہے کہ خلاف ورزی کرنے والے کے خلاف سخت کارروائی کی جائے گی۔۔
