پاکستانی اداکارہ مہوش حیات کو تمغہ امتیاز دینے کے اعلان کے بعد سے انہیں تنقید کا نشانہ بنا یا جا رہا ہے تاہم ایک ویب سائٹ کے تنقیدی آرٹیکل پر مہوش حیات پھٹ پڑیں اور قانونی چارہ جوئی کی دھمکی دی تو عامر لیاقت بھی چپ نہ رہ سکے اور مہوش حیات پر برس پڑے ۔تفصیل کے مطابق مائیکرو بلاگنگ ویب سائٹ ٹوئٹر پر مہوش حیات نے ویب سائٹ کو جواب دیتے ہوئے افسوس کا اظہار کیا اور کہا کہ آ پ لوگ اس طرح اپنے ملک کے فنکاروں کی کردار کشی کرکے ان کی کامیابیوں کا جشن مناتے ہیں، یہ حرکت ہتک عزت کے ذمرے میں آتی ہے،اس آرٹیکل کو ختم کر کے ،معافی مانگی جائے ورنہ قانونی چارہ جوئی کی جائے گی ۔اس ٹویٹ کا جواب دیتے ہوئے تحریک انصاف کے ایم این اے عامر لیاقت نے مہوش حیات کو آڑے ہاتھوں لیتے ہو ئے آئینہ دکھا دیا۔ عامر لیاقت نے لکھا کہ کیوں نہ میں آپ کی فلم لوڈ ویڈنگ پر مقدمہ درج کردوں جس کی تمام کہانی میرے ارد گرد گھومتی رہی، میرا مذاق اڑایا گیا اور بغیر اجازت میرے کردار کو منفی انداز میں پیش کیا گیا، بطور فنکار نہ صرف آپ نے اس فلم میں کام کیا بلکہ اس تمام بکواس کو روکنے میں بھی ناکام رہیں۔
