گورنر سندھ کی نذیرلغاری کے علاج کے اخراجات دینےکی پیشکش۔۔

گورنر سندھ کامران خان ٹیسوری نے سینئر صحافی، دانشور، تجزیہ نگار نذیر لغاری کی اہلیہ سے ٹیلی فونک رابطہ کر کے سینئر صحافی نذیر لغاری کی خیریت دریافت کی۔ انہوں نے کہا کہ سینئر صحافی نذیر لغاری کی صحت کے حوالہ سے فکر مند ہوں، ان کی اچانک طبیعت کی خرابی کا سن کر تشویش ہوئی۔ انہوں نے مزید کہا کہ سینئر صحافی نذیر لغاری سے ذاتی لگاو ہے ان سے بہت کچھ سیکھا۔ گورنر سندھ نے متعلقہ حکام کو ہدایت دی کہ سینئر صحافی نذیر لغاری کو ہر ممکن طبی سہولیات فراہم کی جائیں۔ انہوں نے کہا کہ ان کے علاج کے تمام اخراجات خود ادا کرنے کو تیار ہوں۔