اسلام آباد میں ڈسٹرکٹ اینڈ سیشن جج عطاءربانی نے کینیڈین شہری سارہ انعام قتل کیس میں گواہوں پر جرح جاری رکھنے کی ہدایت کرتے ہوئے سماعت 22 فروری تک ملتوی کر دی ۔ سماعت کے دوران ایاز امیر کی بہو کے قتل کیس میں پراسیکیوٹر راناحسن اور وکیلِ صفائی بشارت اللہ عدالت پیش ہوئے ، دوران سماعت بشارت اللہ ایڈووکیٹ نے محرر محمد اعتزاز پر جرح کی۔ گواہ محرر اعتزاز کے بعد ہیڈ کانسٹیبل جاوید مختیار پر جرح کی گئی۔
