سما ٹی وی خاتون اینکر سائبرہراسانی کا شکار۔۔

سما ٹی وی کی  خاتون اینکر نے سائبر ہراسانی اور بلیک میلنگ کے ایک انتہائی تشویشناک واقعے سے پردہ اٹھایا ہے، جس میں انہوں نے انکشاف کیا کہ ان کی ذاتی تصاویر چرائی جا رہی ہیں اور انہیں ڈیجیٹل طور پر تبدیل کر کے جعلی اور فحش مواد میں ڈھالا جا رہا ہے۔اپنے سوشل میڈیا بیان میں خاتون اینکر نے بتایا کہ یہ من گھڑت مواد متعدد جعلی اکاؤنٹس کے ذریعے پھیلایا جا رہا ہے، اور انہی اکاؤنٹس کے ذریعے ان کے اہلِ خانہ، رشتہ داروں اور دوستوں سے رابطہ کر کے انہیں دھمکایا اور ہراساں کیا جا رہا ہے۔صورتحال کی وضاحت کرتے ہوئے  خاتون اینکر نے زور دیا کہ ان کے نام سے شیئر کیا جانے والا تمام مواد “جعلی، من گھڑت اور بدنیتی پر مبنی” ہے۔ انہوں نے اسے سنگین سائبر کرائم اور کردار کشی کی کوشش قرار دیا۔ ان کا کہنا تھا کہ تمام شواہد محفوظ اور آرکائیو کر لیے گئے ہیں اور سائبر کرائم حکام اور قانونی ذرائع سے رجوع کر لیا گیا ہے۔خاتون اینکر نے  مزید خبردار کیا کہ اس میں ملوث تمام افراد کو ٹریس کر کے سختی سے نمٹا جائے گا اور کسی کو کوئی وارننگ نہیں دی جائے گی۔ انہوں نے عوام سے اپیل کی کہ وہ ہوشیار رہیں اور اگر کسی کو ان کے نام یا تصاویر سے منسوب کوئی مشکوک مواد موصول ہو تو نہ اس پر ردِعمل دیں اور نہ ہی اسے آگے شیئر کریں، بلکہ فوراً انہیں رپورٹ کریں۔