خاتون اینکر سے بدتمیزی اور خاتون اینکرکے بھائی پر تشدد کرکے اس کا بازو توڑنے والا پکڑا گیا۔۔ تفصیلات کے مطابق۔۔معاملا کچھ یوں ہے کہ گاڑی روکنے کا کہنے پر ڈرائیور نے خاتون مسافریعنی خاتون اینکرپسن سے بدتمیزی شروع کر دی تھی جس پر گاڑی میں سوار خاتون کے بھائی نے ڈرائیور سے گاڑی روکنے پر اصرار کیااور کہا کہ ۔۔ اب آگے نہیں جانا تو ڈرائیور نے گاڑی روک کر متاثرہ خاتون کے بھائی پر تشدد شروع کردیا جس سے اس کا بازو ٹوٹ گیا۔ڈرائیور تشدد کے بعد پیسوں کا تقاضا کرتا رہا اور جھگڑے کے دوران خاتون کا والٹ نیچے گرا تو ڈرائیور نے اٹھایا اور فرار ہوگیا جس میں نقدی اور مزید قیمتی سامان موجود تھا۔متاثرہ خاتون نے فوری طور پر ڈی آئی جی ایسٹ زون کے قائم کردہ ایلکٹرونک کمپلین سیل پر رابطہ کیا۔ اور ڈی آئی جی ایسٹ زون غلام اظفر مہیسر نے نوٹس لیتے ہوئے ایس ایچ او بہادر آباد سرور کمانڈو کو کارروائی کی ہدایت کی۔جس کے چند گھنٹوں میں ہی مفرور ملزم مشکور ولد عطا محمد کو گرفتار کرکے ایس ایچ او سرور کمانڈو نے سلاخوں کے پیچھے ڈال دیا۔جس کے بعد متاثرہ خاتون نے ایس ایچ او تھانہ بہادرآباد سرور کمانڈو کی اس بروقت کارروائی کو سراہتے ہوئے ڈی آئی جی ایسٹ زون اظفر مہیسر اور ایس ایچ او سرور کمانڈو سے اظہارِ تشکر کرتے ہوئے اپنے اطمینان کا اظہار کیا۔
