پاکستان کی مشکلات کا شکار نشریاتی میڈیا انڈسٹری کو ایک اور دھچکا اس وقت لگا جب اب تک نیوز کے اسلام آباد بیورو سے آٹھ صحافیوں (پانچ رپورٹرز اور تین اسائنمنٹ ایڈیٹرز) کو عید سے چند روز قبل ملازمت سے فارغ کردیا گیا،کیے جانے کی اطلاعات سامنے آئیں، جس سے شعبے میں ملازمتوں کے تحفظ اور تنخواہوں کی تاخیر سے متعلق خدشات مزید بڑھ گئے ہیں۔ پپو کا کہنا ہے کہ برطرف ملازمین کو برطرفی لیٹرز میں بتایاگیا ہے کہ ادارہ یہ پوسٹیں اب ختم کررہا ہے۔۔پپو کے مطابق برطرف ملازمین کی دو،دو ماہ کی تنخواہیں بھی ادارے پر واجب الادا ہیں، جو انہیں برطرفی سے قبل نہیں دی گئیں۔۔یہ برطرفیاں ایسے وقت میں سامنے آئی ہیں جب پاکستان کی ٹی وی نیوز انڈسٹری میں وسیع پیمانے پر بحران جاری ہے، اور صحافیوں کے مطابق کئی اداروں میں دو سے تین ماہ تک تنخواہوں کی ادائیگی میں تاخیر معمول بنتی جا رہی ہے۔میڈیا کارکنوں کا کہنا ہے کہ عید سے قبل برطرفیوں کے وقت نے صحافتی برادری میں مزید بے چینی پیدا کر دی ہے، خاص طور پر اس لیے کہ بہت سے ملازمین پہلے ہی واجب الادا تنخواہوں کے منتظر تھے۔ بعض اداروں میں عملے کو دو سے تین ماہ سے تنخواہیں نہیں ملیں۔ان چھانٹیوں نے رپورٹرز اور نیوز روم اسٹاف میں بڑھتی ہوئی بے یقینی کو مزید بڑھا دیا ہے، جن کے مطابق حالیہ برسوں میں مالی عدم استحکام میڈیا انڈسٹری کا مستقل مسئلہ بن چکا ہے۔تازہ چھانٹیاں اس بات کی عکاسی کرتی ہیں کہ پاکستان کا نشریاتی میڈیا سیکٹر تیزی سے عدم استحکام کا شکار ہو رہا ہے، جس سے صحافیوں کی مالی سلامتی، پیشہ ورانہ بقا اور آزادانہ صحافت برقرار رکھنے کی صلاحیت پر سنگین سوالات اٹھ رہے ہیں۔
