زردصحافت بند کرو، اداکارہ نیونیوزپر پھٹ پڑی۔۔

اداکارہ حبا بخاری اپنے بیان کو غلط انداز دینے پرنیونیوز پرپھٹ پڑیں۔حبا بخاری نے حال ہی میں ایک میگزین انٹرویو کے دوران انکشاف کیا تھا کہ انہوں نے ایک بار مذاق میں اپنے والد کو  فون پر شوہر کی شکایت لگائی تھی کہ شوہر آریز ان سے برتن دھلواتے ہیں، گھر کی دیواریں اور  کپڑے بھی دھلواتے ہیں جس پر والد نے اداکارہ کو سمجھایا تھا کہ  کوئی بڑی بات نہیں یہ ان کا اپنا گھر ہے۔تاہم بعد ازاں اداکارہ کے انٹرویو کو نجی میڈیا کی جانب سے غلط رخ دیتے ہوئے رپورٹ کیا گیا جسے ہزاروں قارئین نے پڑھا بھی اور دیکھا بھی۔تاہم اب حبا بخاری نےاپنے سوشل میڈیا  پر نیونیوز کی رپورٹنگ کا اسکرین شاٹ شیئر کرتے ہوئے اسے زرد صحافت قرار دیا۔ اداکارہ نے  انسٹا اسٹوری پر رپورٹ کا  اسکرین شاٹ شیئر کرتے ہوئے لکھا کہ یہ زرد صحافت ہے ،  جھوٹی خبریں پھیلانا بند کرو ، یہ شرمناک ہے۔