ینگ کیمرہ مین ایسوسی ایشن کے پہلے سالانہ انتخابات برائے سال دوہزار بائیس تئیس میں خالد خان صدر منتخب ہوگئے، جب کہ سینئر نائب صدر کی سیٹ پر عبدالرحمان، نائب صدر رانا رحمان، جنرل سیکرٹری رضوان علی، جوائنٹ سیکرٹری فخر عباس، فنانس سیکرٹری عدنان بٹ اور انفارمیشن سیکرٹری ندیم سلیم نے بھاری اکثریت سے کامیابی حاسل کرلی۔انتخابات میں گورننگ باڈی کی سیٹ پر عمر رئیس، سجاد احمد، زین علی، عمران مغل اور عمران خالد کامیاب قرار پائے۔ لاہور پریس کلب کے صدر اعظم چودھری، سینئر نائب صدر سلمان قریشی ، نائب صدر ناصرہ عتیق، سیکرٹری عبدالمجید ساجد، جوائنٹ سیکرٹری سالک نواز، فنانس سیکرٹری شیراز حسنات اور اراکین گورننگ باڈی نے ینگ کیمرہ مین ایسوسی ایشن کی نومنتخب قیادت کو دل کی گہرائیوں سے مبارک باد پیش کی ہے انہوں نے مبارک باد کے پیغام میں امید ظاہر کی ہے کہ کیمرہ مین ایسوسی ایشن کےنومنتخب عہدیدار دیگر صحافتی تنظیموں کے ساتھ مل کر صحافیوں کی فلاح و بہبود کے لئے اپنا بھرپور کردار ادا کرینگے۔۔
