والد سے بات چیت بند ہے، اداکارہ کا انکشاف۔۔

اداکارہ امر خان نے انکشاف کیا ہے کہ ان کا شوبز میں آنا والد کو پسند نہیں تھا اس لئے جب سے وہ انڈسٹری میں آئی ہیں ان کی اپنے والد سے بات چیت بند ہے۔ایک تازہ انٹرویو میں اداکارہ نے بتایا کہ جب وہ شوبز انڈسٹری میں قدم رکھنے والی تھیں تو ان کے والد نے انہیں روکنے کی کوشش کی، امر خان کے مطابق ان کے والد نے انہیں ایک ای میل لکھی اور کہا وہ شوبز جاکر خاندان کیلئے شرمندگی کا باعث بنیں گی۔اداکارہ کے مطابق انہوں نے جواب دیا کہ وہ کبھی اپنی والدہ اور والد کے خاندان کو شرمندہ نہیں کریں گی، انہوں نے بتایا کہ ان کی والدہ نے بہت کوشش کی کہ والد کے ساتھ اداکارہ کے تعلقات بہتر ہوجائیں لیکن وہ اپنے والد کیلئے دل میں محبت اور گرم جوشی پیدا نہ کرسکیں۔