اداکارہ وینا ملک نے کبھی بھارت میں جاکر کام نہ کرنے کااعلان کرتے ہوئے کہا ہے کہ بھارت میں کام کے دوران اچھا سبق حاصل ہوا ہے اب کبھی بھارت نہیں جاؤں گی۔ ایک انٹرویو کے دوران متنازع اداکارہ وینا ملک نے بھارت میں کام کرنے کے حوالے سے کہا ہے کہ بھارت میں کام کے دوران اچھا سبق حاصل ہوا بھارت میں کام کے تجربے نے مجھے مزید سمجھدار بنایا، میں نے بھارت میں کام کرنا کسی خوف یا دھمکیوں کی وجہ سے نہیں بلکہ اپنی مرضی سے چھوڑا تھا۔وینا نے مزید کہا آپ بھارت میں کام کرتے ہوئے پوری زندگی گزاردیں لیکن آپ دیکھیں گے کہ وہاں کی تاریخ میں کسی پاکستانی فنکار کا نام شامل نہیں ہے، لیکن پاکستان میں کام کے دوران نہ صرف میری زندگی میں بلکہ میرے مرنے کے بعد بھی مجھے یاد رکھا جائے گا۔ جب وینا ملک کو پاکستان کے دیگر فنکاروں کو بھارت میں کام کرنے یا نہ کرنے کے حوالے سے کوئی نصیحت کرنے کے لیے کہا گیا تو وینا نے کہا میں خود ایک آرٹسٹ ہوں لہذٰا میں کس طرح دیگر فنکاروں کو کوئی نصیحت دے سکتی ہوں
