ویکسی نیشن کے بغیرآرٹس کونسل میں داخلہ بند۔۔

آرٹس کونسل آف پاکستان کراچی میں داخلے کے لیے کورونا ویکسین لازمی قرار دیدی گئی۔ بغیر ویکسین کے آرٹس کونسل میں داخلے پر پابندی عائد کر دی گئی ہے جس پر عمل درآمد یکم جولائی سے ہو گا۔ آرٹس کونسل کے صدر محمد احمد شاہ نے کہا ہے کہ آرٹس کونسل میں ثقافتی سرگرمیاں بحال کی جا رہی ہیں تاہم ہر قسم کے پروگرام اور کانفرنسوں میں شرکت کے لیے ویکسی نیشین لازمی ہے ۔ آرٹس کونسل کی گورننگ باڈی ، ملازمین ، اساتذہ اور طلبہ کی ویکسی نیشن کر دی گئی ہے۔ احمد شاہ نے مزید کہا کہ آرٹس کونسل ملک بھر میں پہلا ادارہ ہے جس کے ہر فرد کو ویکسین لگائی گئی ہے، تاہم ممبران میں سے اگر کسی نے اب تک ویکسین نہیں لگوائی تو وہ یکم جولائی 2021ء سے قبل لگوا لے۔