عمرشریف کی صاحبزادی حرا کا چہلم  سادگی سے ہوگا

ملک کے ممتاز اداکار عمر شریف کی صاحبزادی حرا عمر کا چہلم جو کہ اتوار کو کراچی میں ان کی رہائش گاہ پر ہونا تھا، ملک کے موجودہ حالات کی وجہ سے انتہائی سادگی سے منعقد کیا جارہا ہے۔ حرا عمر کے چہلم کے موقع پر صرف قرآن خوانی کی جائے گی اور غریبوں میں کھانا تقسیم کیا جائے گا۔ اداکار عمر شریف نے تمام احباب سے درخواست کی ہے کہ وہ ان کی صاحبزادی حرا کے ایصال ثواب کے لئے گھر پر بیٹھ کر ہی قرآن خوانی اور فاتحہ خوانی کردیں۔ وہ تمام احباب کے مشکور رہیں گے۔واضح رہے کہ عمر شریف کی صاحبزادی حرا عمر غیرقانونی ٹرانسپلانٹ کے نتیجے میں جاں بحق ہوگئی تھیں، ملزم ڈاکٹر کی  درخواست ضمانت لاہور کی عدالت نے گزشتہ دنوں مسترد کردی تھی۔۔