ٹوئٹر نے ’ٹو فیکٹر آتھینٹی فکیشن ‘ (ٹو ایف اے)کے بھی پیسے چارج کرنے کا اعلان کردیا۔ ٹوئٹر انتظامیہ کی جانب سے جاری ایک بیان میں کہا گیا ہے کہ وہ صرف پیسے ادا کرنے والے صارفین کو ٹیکسٹ میسجز کو اپنے اکاؤنٹس کو محفوظ بنانے کے لیے ٹو فیکٹر توثیق ٹو ایف اے طریقہ کے طور پر استعمال کرنے کی اجازت دے گا۔ پیسوں کی وصولی 20 مارچ سے شروع ہوگی جس کے بعد پیسے ادا کرنے والے صارفین ہی ٹیکسٹ میسج کو سیکیورٹی کیلئے استعمال کرسکیں گے۔کمپنی کا خیال ہے کہ فون نمبر پر مبنی ٹو ایف اے کو برے لوگوں کے ذریعہ غلط استعمال کیا جارہا ہے۔ کمپنی نے اپنی پوسٹ میں کہا ہے کہ ہم اکاؤنٹس کو ٹو ایف اے کے ٹیکسٹ میسج طریقہ کار میں اس وقت تک رجسٹریشن کی اجازت نہیں دیں گے جب تک کہ وہ ٹوئٹر بلیو کے سبسکرائبرز نہ ہوں۔ ٹوئٹر بلیو کے لیے ٹیکسٹ میسج ٹو ایف اے کی دستیابی مختلف ہوسکتی ہے۔ ٹوئٹر کے مطابق جن صارفین نے ٹوئٹر بلیو کو سبسکرائب نہیں کیا ہے لیکن ان کے اکاؤنٹس پر پہلے سے ہی ایس ایم ایس پر مبنی ٹو ایف اے فعال ہے ان کے پاس اسے غیر فعال کرنے اور دوسرے طریقے سے رجسٹریشن کرنے کے لیے 30 دن کا وقت ہوگا۔
