ٹوئیٹر پر رپورٹ ٹوئیٹ کا نیا فیچر متعارف۔۔

سماجی رابطے کی مقبول ویب سائٹ ٹوئٹر نے غلط معلومات کی روک تھام کے لیے ’ رپورٹ ٹویٹ‘ نامی نیا فیچر متعارف کرادیا۔ٹوئٹر انتظامیہ کے مطابق نئے فیچر کا مقصد کورونا وائرس اور دیگر اہم عالمی موضوعات کے بارے غلط معلومات کا پھیلاوروکنا ہے۔ ہم نیوز کے مطابق ٹوئٹر انتظامیہ نے بتایا کہ نیا فیچر ابتدائی طور پر امریکہ، آسٹریلیا اور جنوبی کوریا کے صارفین کے لیے متعارف کروایا گیا ہے جبکہ اس میں جدید فونٹس کے ساتھ ایسے رنگوں کا استعمال کیا گیا ہے جو آنکھوں کو اچھی لگتے ہیں اور ان تبدیلیوں کا مقصد لوگوں کے لیے سکرولنگ کو زیادہ آسان بنانا ہے۔ٹوئٹر ڈیزائن کی جانب سے کیے گئے ٹوئٹ میں بتایا گیا تھا کہ ہوسکتا ہے کہ پہلے تو یہ کچھ عجیب لگے، مگر یہ اپ ڈیٹس ہمیں زیادہ قابل رسائی، منفرد اور آپ کو اپنی بات پر زیادہ توجہ مرکوز کرنے میں مدد فراہم کریں گی۔