حکومت نے ٹی وی فیس میں 65روپے اضافے کی سمری کو مسترد کردیا۔ ذرائع کے مطابق سرکاری ٹی وی کی جانب سے گزشتہ دنوں میں ٹی وی فیس 35روپے سے بڑھا کر100 روپے کا پلان بنایا گیا جس کو وزیر اعظم نے مسترد کرتے ہوئے ٹی وی فیس میں اضافے کو فی الفور روکنے کی ہدایت کی ہے۔ واضے رہے کہ پی ٹی وی بورڈ آف ڈائریکٹرز نے ایک فنانشل پلان کی منظوری دی ہے جس کے تحت لائسنس فیس 35روپے سے بڑھا کر 100روپے کر دی جائے گی۔اس بورڈ آف ڈائریکٹرز میں زیادہ تر پی ٹی وی کے ملازمین اور دیگر سرکاری حکام ہی شامل ہیں۔ دلچسپ امر یہ ہے کہ پی ٹی وی نے نجی شعبے سے 3مارکیٹنگ منیجرز بھرتی کر رکھے ہیں جن کی مجموعی تنخواہ 30لاکھ روپے ہے۔ ان منیجرز نے ملازمین کی مدت ملازمت میں 2سال کمی کرکے 58سال کرنے کا منصوبہ بنایا ہے جس سے ادارے کو 15لاکھ روپے ماہانہ کی بچت ہو گی۔یہ واحد منصوبہ ہے جو پی ٹی وی اپنے 20ارب روپے سالانہ (ایک کروڑ 70لاکھ روپے ماہانہ)کے مالی خسارے پر قابو پانے کے لیے بنا پایا ہے۔یہ ادارہ 6دہائیوں سے آپریشنل ہے لیکن افسوسناک امر ہے کہ آدھی صدی سے زائد عرصے میں یہ ادارہ اپنا مارکیٹنگ پلان بنانے کے قابل بھی نہیں ہوا۔ اس کے مقابلے میں چند سال قبل آنے والے کئی نجی نشریاتی ادارے منافع کما رہے ہیں۔پی ٹی وی کے بورڈ آف ڈائریکٹرز نے لائسنس فیس میں 65روپے اضافے کی منظوری دے دی ہے
