سوشل میڈیا پر انتشار پھیلانے کے منصوبے کا انکشاف۔۔

ڈپٹی کمشنر اسلام آباد حمزہ شفقات نے انکشاف کیا ہے کہ دشمن ایجنسیاں پاکستان میں سوشل میڈیا کے ذریعے انتشار پھیلانے کا منصوبہ بنا رہی ہیں۔اپنے ایک ٹویٹ میں حمزہ شفقات نے بتایا کہ اس بات کی قابل اعتماد اطلاعات ہیں کہ دشمن ایجنسیاں سوشل میڈیا اکاؤنٹس استعمال کرتے ہوئے توہین مذہب پر مبنی مواد پھیلائیں گی جس سے پاکستان میں افراتفری کو بڑھاوا دیا جائے گا۔ڈپٹی کمشنر اسلام آباد نے اپیل کی کہ ہر کوئی اس بات سے آگاہ رہے اور مہربانی کرکے بیرون ملک کی جانے والی غلط حرکتوں پر اپنے ہی اداروں کے ساتھ نہ لڑیں۔