صوبائی دارالحکومت میں علی ظفر کے ہتک عزت دعوی کیس میں عدالت نے گلوکارہ میشا شفیع ،انکے شوہر محمود اور والدہ صبا حمید کو طلب کرلیا ہے۔ تفصیلات کے مطابق ایڈیشنل سیشن جج اظہر اقبال رانجھا کی عدالت میں علی ظفر کے ہتک عزت دعوی کیس کی سماعت ہوئی۔جس میں عدالت نے نے میشا شفیع، ان کے شوہر اور والدہ صبا حمید کو آئندہ سماعت پر طلب کرنے کا تحریری حکمنامہ جاری کیا ہے۔فیصلے میں کہا گیا کہ ہتک عزت کے دعوے میں میشا شفیع، صبا حمید، محمد محمود اپنے بیانات ریکارڈ کرواچکے ہیں۔ علی ظفر کے وکیل کے مطابق تینوں گواہوں کے بیانات پر جرح ہونا باقی ہے۔عدالت نے کیس کی سماعت 19 اکتوبر تک ملتوی کردی ہے۔
Facebook Comments
