شوہرکے تنگ کرنے پر ٹی وی اور لیپ ٹاپ توڑا ، ندا یاسر کا اعتراف۔۔

معروف ٹی وی میزبان و اداکارہ ندا یاسر نے انکشاف کیا ہے کہ انہوں نے ماضی میں شوہر کی جانب سے دوسری ہیروئنز کی تصاویر دکھاکر تنگ کرنے اور جلانے پر انہوں نے شوہر کا لیپ ٹاپ توڑا تھا۔حال ہی میں یاسر نواز نے ایک پروگرام میں انکشاف کیا تھا کہ ان کی اہلیہ کو شدید غصہ آتا ہے، ماضی میں ان کی بیوی غصے میں ٹی وی اور ان کا لیپ ٹاپ توڑ چکی ہیں۔انہوں نے بتایا تھا کہ ان کی جانب سے رات گئے تک ٹی وی دیکھنے پر ندا یاسر نے تنگ آکر ٹی وی کو بوتل مار کر توڑ دیا تھا۔اسی طرح انہوں نے بتایا تھا کہ ایک فلم میں انہوں نے ایک ہیروئن کو کاسٹ کیا، جسے کاسٹ کرنے سے ندا یاسر نے منع کیا لیکن وہ نہ مانے تو ایک دن بیوی نے غصے میں آکر ان کے لیپ ٹاپ کو ہی توڑ دیا تھا۔اور اب ندا یاسر نے مذکورہ معاملے پر بات کرتے ہوئے وضاحت کی ہے کہ انہوں نے کیوں ٹی وی اور لیپ ٹاپ توڑے۔انہوں نے اپنے مارننگ شو میں بتایا کہ چوں کہ وہ صبح سویرے مارننگ شو کے لیے جاتی تھیں، اس لیے انہیں جلد سونا ہوتا تھا لیکن یاسر نواز رات دیر گئے تک بڑی آواز میں ٹی وی چلا کر ان کی نیند خراب کرتے تھے۔ان کا کہنا تھا کہ انہوں نے کئی دن تک برداشت کیا لیکن پھر ان کی برداشت سے باہر ہوگیا اور انہوں نے اپنا ہی خریدا گیا ٹی وی بوتل مار کر توڑ دیا، جس کے بعد یاسر نواز نے پھر کبھی رات گئے تک دوبارہ ٹی وی تیز آواز میں نہیں چلایا۔ندا یاسر نے یہ بھی واضح کیا کہ انہوں نے کیوں شوہر کا لیپ ٹاپ توڑا تھا؟ان کے مطابق اس وقت شوہر انہیں مختلف ہیروئنز کی تصاویر دکھا دکھا کر تنگ کرتے اور جلانے کی کوشش کرتے تھے۔ان کا کہنا تھا کہ کئی دن تک شوہر انہیں مختلف ہیروئنز کی تصاویر دیکھا کر تنگ کرتے رہے اور پھر انہوں نے اپنی فلم کی ایک ہیروئن کی تصویر لیپ ٹاپ کے وال پیپر پر بھی لگا دی۔ان کے مطابق ہیروئن کی تصویر یاسر نواز کے لیپ ٹاپ میں دیکھ کر انہیں غصہ آیا اور انہوں نے ان کا لیپ ٹاپ بھی توڑ دیا۔انہوں نے کہا کہ شوہروں کو چاہیے کہ وہ اپنی بیویوں کو دوسری خواتین کی تصاویر دکھا کر ایسے نہ جلایا کریں، انہیں حسد نہ دلایا کریں، انہیں غصہ نہ دلایا کریں، اگر وہ مسلسل ایسے کرتے رہیں گے تو بیویاں غصے میں آجائیں گی اور پھر ایسے ہی چیزیں ٹوٹتی رہیں گی۔