شہبازگل چینلز کی غلط رپورٹنگ پر برس پڑے۔۔

وزیر اعظم کے معاون خصوصی برائے سیاسی روابط ڈاکٹر شہباز گل نے الزام عائد کیا ہے کہ این اے 75 میں مسلم لیگ ن کی فتح کا غلط نتیجہ لیگی رہنما شیزا خواجہ نے ٹی وی چینلز پر چلوایا۔ ’ میری اطلاع کے مطابق ن لیگ کی شیزا خواجہ کا تیار کیا ہوا یہ غلط نتیجہ ہے جو اس نے کچھ صحافی دوستوں کے ذریعے سے پھیلایا ہے۔اس سے قبل ایک اور ٹویٹ میں ڈاکٹر شہباز گل نے کہا تھا کہ اے آر وائی نے غلط نتیجہ چلایا اور جب  چینل انتظامیہ کو اس بارے میں آگاہ  کیا گیا تو انہوں نے آگے سے کہا کہ ان کے رپورٹر نے یہ خبر فائل کی تھی اس لیے انہوں نے چلائی ہے۔