پشاورکےسینئرصحافی سید سبز علی شاہ ٹریفک کے المناک حادثے میں شدیدزخمی ہوگئے۔اپنے گائوں اکبرپورہ میں ڈیوٹی کی بجاآوری کے لئے آنے کے دوران تیزرفتارموٹرسائیکل کی ٹکر سے انکے سراورچہرے پرشدید چوٹیں آئیں جبکہ انکے پائوں کی ہڈیاں کئی جگہوں سے ٹوٹ گئیں۔ حادثے میں زخمی ہونے کے بعد نازک حالت میں ہسپتال منتقل کردیا گیاجہاں پر ڈاکٹرز کی جانب سے آپریشن اورعلاج معالجے کے بعد گھر منتقل کردیا گیا ہے۔وہ پشاورپریس کلب اورخیبریونین آف جرنلسٹ ایسوسی ایشن کے بزرگ ممبربھی ہیں۔ دریں اثناء پشار پریس کلب کے صدرارشدعزیز ملک نے فوری طورپرحادثے میں شدید زخمی ہونے والے سینئرصحافی سید سبزعلی شاہ کی ہسپتال جاکر عیادت کی اورحیات آباد میڈیکل کمپلیکس ہسپتال انتظامیہ کو انکے بہترین علاج کی ہدایات جاری کیں۔
Facebook Comments
