سینئر اینکر پرسن سعدیہ افضال نے 92نیوز کو خیرباد کہہ دیا سعدیہ افضال عیدالاضحیٰ کے بعد اپنا شو بلیو ورلڈ سٹی کے چینل سنو نیوز میں کریں گی جہاں انہین ہارون رشید کی جگہ ویک اینڈ یعنی جمعہ تا اتوار رات 8 بجے کی سلاٹ دی گئی ہے سعدیہ افضال نے پیر کے روز سنو نیوز میں اپنا پرومو شوٹ کرایا اور لاہور سے آنے والی ٹیم سے پروگرام کے فارمیٹ، سیٹ ڈیزائننگ اور دیگر ٹیکنیکل امور پر تفصیلی میٹنگز کیں سعدیہ افضال 92 نیوز سے اپنے ہمراہ پوری ٹیم لے کر آئی ہیں جس میں این ایل این، کیمرہ مین اور میک اپ آرٹسٹ بھی شامل ہیں ۔سنو نیوز نے چند ناقابل بیان وجوہات کی بنا پر ہارون رشید کا شو اچانک بند کردیا ہے۔ ہارون رشید کا کہنا ہے کہ انہوں نے چینل انتظامیہ کو خود درخواست کی تھی کہ وہ اب سیاست پر پروگرام نہیں کرنا چاہتے، ہارون رشید کے مطابق انہیں صحافت کرتے پچپن سال اور کالم نویسی کرتے بتیس سال ہوچکے۔ انہوں نے دعویٰ کیا کہ ان پر چینل انتظامیہ کی جانب سے کوئی دباؤ نہیں تھا۔
