معروف سینئر اداکارہ صبا فیصل نے چند ماہ قبل بیٹے اور بہو کے ساتھ ہونے والے تنازع پر اپنی غلطی قبول کرلی۔سوشل میڈیا پر وائرل ایک ویڈیو میں دیکھا جاسکتا ہے کہ سینئر اداکارہ صبا فیصل نے ایک نجی چینل کے پروگرام میں بطور مہمان شرکت کی ہے۔مذکورہ پروگرام میں انہوں نے مختلف موضوعات پر گفتگو کی، ایک سوال کے جواب میں انہوں نے شہید محترمہ بے نظیر بھٹو کا کردار نبھانے کی خواہش کا اظہار کرتے ہوئے کہا کہ ان کی خواہش ہے کہ جب کبھی شہید محترمہ بے نظیر بھٹو کی زندگی پر مبنی بائیو پک بنے تو اس میں انہیں کاسٹ کیا جائے۔ایک اور سوال کے جواب میں انہوں نے اپنے بڑے بیٹے سلمان فیصل اور بہو نیہا سلمان کے ساتھ ہونے والے تنازع کا ذکر کرتے ہوئے کہا کہ وہاں میری ہی غلطی تھی، مجھے اس طرح سوشل میڈیا پر آکر بولنا نہیں چاہیئے تھا بلکہ درگزر اور نظر انداز کرنا چاہیئے تھا۔انہوں نے مزید کہا کہ ایسے وقت میں خاموشی سے کام لینا چاہیئے، یہ ہی دانشمندی ہے۔
