کراچی یونین آف جرنلسٹس کا غیر رسمی اِجلاس صدر طاہر حسن خان کی زیر صدارت ھوا ،اجلاس میں پاکستان فیڈرل یونین آف جرنلسٹس کے سیکرٹری جنرل ارشد انصاری خصوصی طور پر شریک ہوئے، اجلاس کے دیگر شرکا میں پی ایف یو جے کے نائب صدور سلیم شاہد، خورشید عباسی ،ارکان ایف ای سی جاوید چوہدری، ایوب جان سرھندی، پی ایف یو جے کے سابق سیکرٹری جنرل مظہرعباس پریس کلب کے سابق صدر و سابق چیئرمین ایڈھاک کمیٹی کے یو جے امتیاز خان فاران، خیبر یونین آف جرنلسٹس کے صدر ناصر حسین سینئر ممبر کے یو جے نصیر احمد اور دیگر نے خصوصی طور پر شرکت کی ۔ اجلاس میں میر پور ماتھیلو کے صحافی نصر اللہ گڈانی کے قتل پنجاب اسمبلی سے منظور ہتک عزت بل، پی ایف یو جے اور یوجیز کے تنظیمی امور پر سیر حاصل گفتگو ھوئی، پی ایف یو جے کے سیکرٹری جنرل ارشد انصاری نے کراچی یونین آف جرنلسٹس کی نو منتخب مجلس عاملہ اور امتیاز خان فاران کی سربراہی میں قائم ایڈھاک کمیٹی کو انکی کارکردگی پر مبارکباد پیش کی اور اس عزم کا اظہار کیا کہ کے یو جے کی نو منتخب مجلس عاملہ طاہر حسن خان کی سربراہی میں فعال کردار ادا کرے گی۔صدر کے یو جے طاہر حسن خان نے پی ایف یو جے کے سیکرٹری جنرل ارشد انصاری اوردیگرکو کراچی آمد پر خوش آمدید کہا، سابق سیکرٹری جنرل پی ایف یو جے مظہرعباس نے تنظیمی حوالے سے مفصل گفتگو کی، خورشید عباسی، امتیاز خان فاران ،جاوید چوہدری، وارث رضا اور دیگر نے بھی اظہار خیال کیا جنرل سیکرٹری سردار لیاقت نے تنظیمی امور آئین کے مطابق چلانے کا عزم کیا،اجلاس میں کے یو جے کے فنانس سیکرٹری محمد ناصر ارکان مجلسِ عاملہ ابوالحسن آفتاب ملک ،حمید بھٹو کے علاوہ ممبران کے یو جے شکیل احمد، رسول بخش چنا، لیاقت مغل، ندیم شیخ،عاطف کھوکھر اور دیگر نے شرکت کی۔
