اسکول طالبات کا دورہ پریس کلب۔۔۔

گورنمنٹ گرلز ہائی سکول کنیڈ کی طالبات کا لاہور پریس کلب کا دورہ،طالبات کو نثار عثمانی ہال، رپورٹنگ روم، کمیٹی روم اور لائبریری کا دورہ کروایا گیا، اس موقع پر سینیئر صحافی ضیاء الرحمان اور سید فاطر شاہ نے طالبات کو لاہور پریس کلب کی اہمیت  اور صحافیوں کے فرائض سے آگاہ کیا اور معلومات فراہم کی۔ جبکہ سینیئر صحافی مبشر حسن نے طالبات کو پریس کلب کے مختلف شعبہ جات سے متعلق معلومات فراہم کی۔ اس موقع پر سکول کی اساتذہ اور اسسٹنٹ کمشنر شالمار انم فاطمہ بھی ان کے ہمراہ تھی۔ طالبات نے لاہور پریس کلب کی انتظامیہ کا شکریہ ادا کیا اور اس مطالعاتی دورے کو خوب سراہا جبکہ بعض طالبات نے نیوز کاسٹر اور اینکر بننے کی بھی خواہش کا اظہار کیا۔