سرمدکھوسٹ کا تمغہ امتیاز معمہ بن گیا۔۔

معروف اداکار سرمد کھوسٹ نے انکشاف کیا ہے کہ ان کا نام تمغہ امتیاز کی فہرست سے نکال دیا گیا ہے۔فوٹو اور ویڈیو شیئرنگ ایپ انسٹاگرام اسٹوری میں اداکار نے تمغہ امتیاز حاصل کرنے والوں کی فہرست شیئر کی جس میں ان کا نام موجود نہیں ہے۔انہوں نے لکھا کہ میرا نام 14 اگست 2023 کو تمغہ امتیاز پانے والوں کی فہرست سے نکال دیا گیا ہے جو مجھے  23 مارچ کو وصول کرنا تھا۔اداکار نے لکھا کہ میں نے اپنا نام اس میں خود تو شامل نہیں کیا تھا۔دریں اثنا ہدایت کار سرمد کھوسٹ کا نام صدارتی ایوارڈ کیلئے نامزد کیے جانے کی  کابینہ ڈویژن ذرائع نے تردید کردی۔کابینہ ڈویژن کے ذرائع کا کہنا ہے کہ سرمد کھوسٹ کے نام کی باقاعدہ منظوری نہیں ہوئی تھی، 14 اگست کو نام تجویز کیے جاتے ہیں، منظوری کابینہ کمیٹی دیتی ہے۔