سلیم صافی کی عمران خان کو تحقیقاتی کمیٹی کی پیشکش۔۔۔

صحافی سلیم صافی کا کہنا ہے کہ وہ عمران خان کو پیشکش کرتے ہیں کہ مراد سعید، شبلی فراز اور فواد چوہدری پر مشتمل کمیٹی پی ایف یو جے کے صدر کی قیادت میں بنائیں جو ہم دونوں کے معاملات کی تحقیقات کرے۔سلیم صافی نے کہا کہ اگر وہ لفافی ثابت ہوئے تو جو چور کی سزا وہ ان کی سزا اور اگر عمران خان لفافی ثابت ہوئے تو انہیں سیاست چھوڑ کر معافی مانگنی پڑے گی۔واضح رہے کہ آج صحافیوں سے گفتگو میں پی ٹی آئی چیئرمین عمران خان نے غیر مناسب بیان دیا کہ ’’غریدہ فاروقی مردوں میں گھُسے گی تو ایسا ہی ہو گا آبیل مجھے مار‘‘۔اس کے ساتھ عمران خان سے سوال پوچھا گیا کہ ’’آپ صحافیوں کو لفافہ صحافی کیوں کہتے ہیں؟ جس کے جواب میں عمران خان نے کہا کہ انہوں نے سلیم صافی کے علاوہ کسی صحافی سے متعلق ایسا کبھی کچھ نہیں کہا۔