معروف اینکرپرسن اور مارننگ شو ہوسٹ ساحر لودھی کو بول انٹرٹینمنٹ کا ہیڈ بنادیاگیا۔۔ پپو کا کہنا ہے کہ وہ اپنے ہمراہ اپنی ٹیم بھی لے کر آئے ہیں اور لاہور سے کراچی شفٹ ہوکر بول جوائن کرلیا ہے، اس سے قبل وہ ٹوئنٹی فور نیوز لاہور میں کام کررہے تھے۔۔ پپو کا کہنا ہے کہ بول انٹرٹینمنٹ کے اس سے قبل جو ہیڈ تھا اسے فائر کردیاگیاہے۔سابق ہیڈ کے متعلق عمران جونیئر ڈاٹ کام پر پہلے ہی اپنے قارئین کو آگاہ کردیاگیا تھا کہ ان کے خلاف معاشی و اخلاقی کرپشن کی باقاعدہ انکوائری چل رہی تھی۔ سابق ہیڈ کو بول کی نئی انتظا میہ نے پہلے یہ لالی پاپ دیا کہ آپ کو نیوز کا ہیڈ لگادیں گے تب تک آپ ساحرلودھی کو بول انٹرٹینمنٹ کے حوالے سے مکمل بریفنگ دیں، چینل، اسٹوڈیوز، پی سی آر سب کا وزٹ کرائیں، یہاں موجود اسٹاف سے ملاقاتیں کرائیں، یہ سن کر نیوزاور پروگرامنگ کے موجودہ سوئچر ہیڈ اور سابق گیسٹ کوآرڈینیٹر کی کانپیں ٹانگ گئیں اور وہ اپنے دن گننے لگ گئے۔ پپو کے مطابق نیوز اور پروگرامنگ کے موجود ہ ہیڈ پہلے ہی بول نیوزسے نکالے جانے والے ایچ آر پلس ایڈمن ہیڈ کے زیرسایہ فرعونیت کا شاندار مظاہرہ کرچکے تھے،اور ان کے ماتحت ان سے پہلے ہی تنگ ہیں۔ لیکن جب سابق ہیڈ آف بول انٹرٹیمنٹ کو فائر کرکے ان کی ساحر لودھی کو رکھا گیا تو سوئچر اور سابق گیسٹ کوآرڈینیٹر کی جان میں جان آئی۔۔ پپو کا کہنا ہے کہ بول کے لنگڑے گھوڑے کو ریس میں دوڑانے کے لئے لاکھوں روپوں کے پیکیج پر انڈسٹری کے ریٹائرڈ اینکر اور اُنکی ٹیمیں ہائرہورہی ہیں، جب کہ بول ملازمین کی جون دوہزار تئیس ، جنوری اور فروی کی تنخواہیں اب تک کلیئر نہیں ہوسکی ہیں۔پپو نے مزید انکشاف کیا ہے کہ ساحر لودھی اس بار رمضان ٹرانسمیشن بول سے ہی کریں گے، رمضان ٹرانسمیشن کا ان کےپاس وسیع تجربہ ہے، اس سے قبل وہ ٹی وی ون پر عشق رمضان کے نام سے کامیاب ٹرانسمیشن کرچکے ہیں اور ایک بار تو جب بول میں عامر لیاقت رمضان ٹرانسمیشن کررہے تھے اور ٹی وی ون پر ساحر لودھی تو ساحر لودھی ریٹنگ میں عامر لیاقت سے کئی آگے تھے۔۔
