صحافیوں کے ساتھ ہمارا وجود قائم ہے،اسپیکر پنجاب اسمبلی۔۔

اسپیکر پنجاب اسمبلی ملک احمد خان نے کہا ہے کہ میڈیا کے بغیر میرا سیاسی وجود کچھ بھی نہیں ،ہمیشہ صحافیوں کے حقوق پر مثبت بات کی ،صحافیوں کےساتھ ہمارا وجود قائم ہے۔صحافیوں سے گفتگو کرتے ہوئے انہوں نے کہا کہ میڈیانے سخت حالات میں بھی مثبت رپورٹنگ کی ،اسمبلیاں جمہوریت کی علمبردار ہیں،آئین میں تمام طبقات کومساوی حقوق دیئے گئے ہیں ۔انہوں نے کہا کہ صحافیوں کو تمام سہولیات فراہم کی جائیں گی،میڈیا کی مدد سے سی پی اے علاقائی کانفرنس کو کامیاب کرناہے،میڈیا کے بغیر میرا سیاسی وجود کچھ بھی نہیں۔آئین میں میڈیا کابنیادی حق تسلیم کیاگیا ہے،کسی کو آئینی حق تسلیم نہیں تو اس پردلیل سے بات کروں گا۔