صحافی کالونی میں شجرکاری مہم ۔۔

 پارکس ہارٹیکلچر اتھارٹی کی جانب سے آج صحافی کالونی کے پارک کے باہر شجرکاری کے سلسلے میں خصوصی کیمپ لگایا گیا ۔ کیمپ میں ڈائریکٹر جنرل پی ایچ اے طاہر وٹو ، ڈائریکٹر ہارٹیکلچر مصطفیٰ شاد، فیلڈ سپروائزر سبطین عباس ، افضال احمد اور پی ایچ اے کے اہلکاروں نے بڑی تعداد میں شرکت کی ۔ کیمپ میں وزیر اعلیٰ پنجاب کی ہدایت کے تحت  شجر کاری مہم کے سلسلے میں صحافی کالونی کے پارک میں آنیوالوں اور مقامی رہائشیوں کو خصوصی پودے  تحفے میں تقسیم کیے گئے تا کہ وطن عزیز سے ماحولیاتی آلودگی کا خاتمہ ہو سکے اور فضاء کو صحت مند بنایا جا سکے ۔ صحافی کالونی میں  بچوں ، نوجوانوں اور مقامی رہائشیوں  نے  پی ایچ اے کے کیمپ کا بڑی تعداد میں دورہ کیا اور شجرکاری مہم میں بڑھ چڑھ کر حصہ لیا ۔