صحافی کالونیوں،نئے اراکین کے پلاٹس پر اہم پیش رفت۔۔

کراچی پریس کلب کے صدر سعید سربازی اور سیکریٹری شعیب احمد نے کراچی پریس کلب کے اراکین کے پلاٹس اور صحافی کالونیوں کے مسائل پر چیف سیکریٹری سندھ ڈاکٹر محمد فخر عالم عرفان سے ان کے دفتر میں ملاقات کی، صدر کراچی پریس کلب سعید سربازی اور سیکریٹری شعیب احمد نے چیف سیکریٹری سندھ کو کراچی پریس کلب کے 700 اراکین کے لئے ہاکس بے دیہہ مندیاری میں ایل ڈی اے کی جانب سے 125 ایکٹر زمین کی سمری ایڈیشنل چیف سیکریٹری سندھ لوکل گورنمنٹ کو بھیجنے کی تفصیلات سے آگاہ کیا، ایل ڈی اے کی جانب سے ہاکس بے صحافی کالونی بلاک ٹو، تھری اے، تھری اے ون اور بلاک 68 میں باؤنڈری وال اور ترقیاتی کاموں کے پی سی ون لوکل گورنمنٹ کو بھیجنے اور ایم ڈی اے کی جانب سے کراچی پریس کلب کے اراکین کے پلاٹس کے پیمنٹ فارمولے کی سمری سیکریٹری انفارمیشن کو بھیجنے کے بارے میں آگاہ کیا، کراچی پریس کلب کے صدر سعید سربازی اور سیکریٹری شعیب احمد نے کہا کہ ہماری خواہش ہے کہ نگران حکومت کراچی پریس کلب کے نئے اراکین کے پلاٹس کی الاٹمنٹ میں اپنا کردار ادا کرے، چیف سیکریٹری سندھ نے کراچی پریس کلب کے صحافیوں کے مسائل حل کرنے میں اپنا بھرپور کردار ادا کرنے اور بہت جلد کراچی پریس کلب کا دورہ کرنے کی یقین دہانی بھی کرائی،صدر و سیکریٹری کراچی پریس کلب نے چیف سیکریٹری سندھ کو کراچی پریس کلب کا سالانہ مجلہ کی پی سی نیوز بھی پیش کیا