تحریر: طارق حبیب۔۔
اگر آپ لوگ اس شعبے میں آنا چاہتے ہیں تو ۔۔ سوچ سمجھ کر آئیں۔۔ بہت سے صحافی کہتے ہیں کہ وہ ۔۔ اپنے بچوں کو صحافت سے دور رکھیں گے۔۔ نئے آنے والوں کو شعبہ صحافت کا منفی پہلو دکھاتے ہیں۔۔ بھائی میرا معاملہ مختلف ہے ۔۔ میں یہ کہتا ہوں کہ ۔۔ اگر میرے بچے صحافت میں آنا چاہیں گے تو ۔۔ میں ان کی مدد کروں گا۔۔ اور جو بھی آنا چاہے گا اس کی ۔۔ بھرپور حوصلہ افزائی کروں گا۔۔
رزق دینے والی زات رب باری تعالیٰ کی ہے۔۔۔۔۔ یہ جو ہم اپنے شعبے کو کوستے نظر آتے ہیں ناں۔۔۔۔۔۔ جہاں سے ہم رزق کما رہے ہوتے ہیں ۔۔۔۔۔ یقین مانیں ۔۔۔۔ ہم کسی بھی شعبے میں چلے جائیں۔۔۔۔ ہم اسے کوستے ہی نظر آئیں گے۔۔۔۔ شعبہ صحافت میں خرابی ہے تو بھئی ہمیں کوئی۔۔۔۔۔دوسرا شعبہ جوائن کرلینا چاہیے۔۔۔۔۔ مگر ہم میں سے زیادہ تر ایسا بھی نہیں کریں گے۔۔۔۔ وجہ یہ ہے کہ ۔۔۔۔۔ ہم کمفرٹ زون سے نکلنا ہی نہیں چاہتے۔۔۔۔۔۔ وہ کیا کہتے ہیں کہ “ہمیں تو کوئی اور کام بھی نہیں آتا”۔۔۔۔۔۔شعبہ صحافت کو چنائو اگر نظریاتی بنیادوں پر ہے اور۔۔۔۔۔ ایک محاز ہے تو پھر تو اسے ایک خاص انداز میں ہی لینا چاہیے۔۔۔۔۔ اس پر تو بات ہی نہیں کرنی چاہیے۔۔۔۔۔ میں کہوں کہ میں نظریاتی بنیادوں پر اس شعبے میں ہوں۔۔۔۔۔ مگر کچھ کر نہ سکوں تو ۔۔۔۔میری ناکامی ثابت کرتی ہے کہ ۔۔۔۔۔ میں اس محاز کا بندہ نہیں ہوں۔۔۔۔۔ پھر میرا یہاں رہنا اپنے لیے ۔۔۔۔۔ اور اپنے مقصد کے لیے مناسب نہیں۔۔۔۔۔۔
سوچ لیں سمجھ لیں۔۔۔۔۔ یہ جو شعبہ ہے ناں۔۔۔۔۔۔ یہ 24 گھنٹے مانگتا ہے ۔۔۔۔۔ دفتری اوقات کے بعد بھی آپ کی نوکری جاری رہتی ہے ۔۔۔۔۔آن کال ہوتے ہیں۔۔۔۔۔۔ خبر کی تلاش میں ملاقاتیں اور اداروں میں گھومنا۔۔۔۔۔ کبھی پہلی ملاقات صبح میں ہوئی تو ۔۔۔۔۔ آخری ملاقات رات دیر گئے۔۔۔۔۔ کبھی ایک شہر تو کبھی دوسرا۔۔۔۔۔ کبھی ملک سے بھی باہر۔۔۔۔۔ کبھی محفلیں تو کبھی جنگیں۔۔۔۔ سب اسی کا حصہ ہے۔۔۔۔۔
اب اگر میں اپنے اہداف مقرر نہیں کرتا۔۔۔۔۔ ان کے حصول کے لیے جدوجہد نہیں کرتا۔۔۔۔۔ اور سب سے بڑھ کر یہ کہ اللہ کو رازق مانتے ہوئے ۔۔۔۔۔ رسک نہیں لیتا۔۔۔۔ میرا اندرونی خوف مجھ پر غالب رہتا ہے تو پھر ۔۔۔۔۔ مجھے سوچنا چاہیے کہ جہاں میں وہاں ۔۔۔۔۔ مجھے ہونا چاہیے یا نہیں۔۔۔۔۔
ایک بڑا عجیب معاملہ ہے ۔۔۔۔۔ یہ جو “9 سے 5 ” ہے ناں۔۔۔۔۔ یہ دراصل ملازمت کے اوقات کار نہیں ہیں۔۔۔۔۔۔ بلکہ اصل میں مجھ جیسے سہل پسند اسے اپنی اوقات بنا لیتے ہیں۔۔۔۔۔ پھر ہم چاہتے ہیں کہ ہمیں ۔۔۔۔۔ “یو آر دی بیسٹ” قرار دیا جائے اور ۔۔۔۔۔ گھر آکر بستر سے جگا کر کوئی ہمیں بتائے کہ آپ کے لیے ۔۔۔۔۔ فلاں فلاں فلاں کامیابیاں ۔۔۔۔۔ آپ کی راہ تک رہی ہیں۔۔۔۔۔ ایک عالم منتظر ہے کہ ۔۔۔۔۔ کب حضور بیدار ہوں اور ۔۔۔۔۔ انھیں شرف ملاقات بخشیں۔۔۔۔۔
ان سب سے ہٹ کر سوشل میڈیا ایک بہت بڑی نعمت بن چکا ہے ۔۔۔۔۔ مجھ جیسے لوگ نیند سے بیدار ہوکر ۔۔۔۔۔ ایک پوسٹ داغ دیتے ہیں اور ۔۔۔۔۔ چادر اوڑھ کر پھر سوجاتے ہیں۔۔۔۔۔ ہم خود ساختہ سلیبیریٹی سمجھتے ہیں کہ ۔۔۔۔۔ ہم نے دنیا میں آنے کا حق اپنے تئیں ادا کرنے کی کوشش کرلی۔۔رہے نام مولا کا۔۔(طارق حبیب)
