معروف اداکارہ مہوش حیات نے اُنہیں صدارتی تمغہ امتیاز ملنے کی وجہ بتادی۔جیونیوز کے پروگرام ’جشنِ کرکٹ‘ میں اظہار خیال کرتے ہوئے مہوش حیات نے کہا کہ ان کی فلم نے 160 کروڑ روپے کا بزنس کیا، اس لیے انہیں صدارتی تمغہ امتیاز ملا۔پروگرام کے میزبان شہزاد اقبال نے مہوش حیات سے سوال کیا کہ پاکستان میں کتنے فیصد مرد بڑھا ہوا پیٹ چھپانے کے لیے شلوار قمیض پہنتے ہیں جس پر جواب دیتے ہوئے اداکارہ نے خیال ظاہر کیا کہ 50 فیصد پاکستانی مرد اپنا بڑھا ہوا پیٹ چھپانے کے لیے شلوار قمیص پہنتے ہیں۔اداکارہ مہوش حیات نے عوام سے وزیر اعظم پاکستان عمران خان کو مزید وقت دینے کی اپیل کردی , ان کا یہ بھی کہنا تھاکہ آج کل اچھے سکرپٹ نہیں مل رہے اور وہ رونے دھونے والے سکرپٹ پر کام نہیں کرنا چاہتیں جبکہ فلم ’’لندن نہیں جاؤں گا‘‘ پر کام چل رہا ہے ۔ مہوش حیات کا کہنا تھا کہ عمران خان کو بہت بری حالت میں ملک ملا تھا،اسے درست کرنے کیلئے بھی وقت دینا چاہیے، عمران خان کے پاس کوئی جادو کی چھڑی نہیں ہے کہ چھڑی چلاتے ہی سب ٹھیک ہوجائے ،نیا پاکستان ابھی بننے کے عمل میں ہے۔
