افواہ ساز فیکٹریاں میرے کیریئر کے خلاف سازشوں میں مصروف ہیں لیکن انہیں کامیابی نصیب نہیں ہوگی یہ بات فلم اسٹار میرا نے کراچی پریس کلب میں پاکستان فلم اینڈ ٹی وی جرنلسٹس ایسوسی ایشن کے پروگرام ”روبرو“ میں میڈیا کے نمائندوں سے بات کرتے ہوئے کہی۔ میرا نے کہا کہ فلم ”باجی“ کے بعد مجھے بہت سی فلموں اور کمرشل سے محروم کردیا گیا۔ میں لاہور میں ہوتی ہوں تو یہ افواہ پھیلادی جاتی ہے کہ میں امریکہ میں ہوں۔ میرا نے کہا کہ میری عمر کے حوالے سے بھی افواہوں کا بازار گرم رہتا ہے۔ صباقمر، مہوش حیات، ماہرہ خان اور پریانکا چوپڑا وغیرہ ہم سب ایک ہی عمر کے ہیں، لیکن میں چونکہ انڈسٹری میں پہلے آگئی تھی اور چائلڈ اسٹار کی حیثیت سے کام کیا تھا اس لیے سینئر ہوں میری عمر کے حوالے سے جو من گھڑت اور جھوٹی باتیں پھیلائی جاتی ہیں ان کو ختم ہونا چاہیے، میرا نے کہا کہ میں ٹیلی ویژن کے لیے دو بڑے اہم پروجیکٹس کیلئے کام کررہی ہوں ایک کی ڈائریکٹر سنگیتا بیگم دوسرا سیما طاہر کا پروجیکٹ ہے جس میں میں اپنی زندگی کا سب سے اہم کام کرنے کاجارہی ہوں، میرا نے کہا کہ یہ میڈیا نے ہمیشہ میرا بہت ساتھ دیا ہے خاص طور پر کراچی کے صحافی حضرات کا ہمیشہ میرے ساتھ رویہ مثبت رہا ہے۔ میرا نے اس موقع پر اپنے چھوٹے بھائی حسین عباس کو متعارف کرایا اور بتایا کہ وہ بھی ٹیلی ویژن پر کام کررہے ہیں۔۔تاہم پریس بریفنگ کے دوران انہوں نے اپنے بھائی کو میڈیا کے سوالوں سے دور رکھااور میڈیا نمائندوں کی جانب سے حسین عباس سے پوچھے گئے سوالوں پر انہیں جواب دینے سے روکتے ہوئے خود ہی گفتگو کرتی رہیں،میرا نے بتایا کہ وہ بہت جلد ایک بلوچی لڑکی کے کردار میں نظر آئیں گی اور اسکے لئے وہ بلوچی زبان بھی سیکھ رہی ہیں،اداکارہ میرا نے کہا کہ بدقسمتی سے ملک میں فنکاروں کی تربیت کے لئے کوئی ادارہ موجود نہیں ہے،حکومت کو اس طرف بھی توجہ دینے کی ضرورت ہے،میڈیا سے گفتگو کے دوران اداکارہ میرا نے کہا کہ میں نے کبھی اپنے لئے حکومت سے وظیفہ نہیں مانگا،میں اچھا خاصہ کماتی ہوں اور ایک خوش گوار زندگی بسر کررہی ہوں بلکہ بہت سے لوگوں کی کفالت بھی کررہی ہوں،میں نے حکومت سے فلم بنانے کے لئے تعاون ے لئے کہا تھا میں چاہتی ہوں کہ حکومت میرے تجربہ سے اسعفادہ کرے، اداکارہ میرا کی فلم کو فلم ایگزیبیٹرز کی جانب سے بی گریڈ قرار دیکر نمائش کے لئے پیش نہ کرنے پر جذباتی دیکھائی دی اور آبدیدہ لفظوں میں گفتگو کرتے ہوئے کہاکہ میرے ساتھ ایسا کیوں کیا جارہا ہے،کیا ہم انسان نہیں ہیں۔
