ریشم مجھے اپنا استاد نہیں سمجھتی، سیدنور۔۔

نامور ہدایت کار سید نور نے اداکارہ ریشم سے شکوہ کرتے ہوئے کہا کہ پتہ نہیں ریشم مجھے اپنا استاد کیوں نہیں مانتی۔سید نور نے حال ہی میں ایک پوڈ کاسٹ میں شرکت کی جہاں انہوں نے کہا کہ ریشم ایک ذہین اداکارہ ہے، فلم انڈسٹری میں ریشم کو میں نے متعارف کروایا لیکن بدقسمتی سے وہ آج مجھے اپنا استاد نہیں سمجھتی۔انہوں نے اپنی بات کو جاری رکھتے ہوئے کہا کہ وہ اپنے استادوں میں ایوب خاور سمیت دیگر کا نام لیتی ہے جس کا مجھے کوئی دکھ نہیں، میں خوش ہوں کہ میں نے اداکارہ کو متعارف کروایا اور  ان کے پہناوے و شخصیت کو نکھارا۔سید نور کا کہنا تھا کہ انہوں نے ریشم کو فلم ’جیوا‘ سے انڈسٹری میں متعارف کرایا اور انہیں ان کے ساتھ کام کرنے پر فخر ہے۔انہوں نے بتایا کہ انہوں نہ صرف ریشم کو متعارف کرایا بلکہ انہوں نے ان کی شخصیت اور بطور اداکارہ ایک پہچان بھی بنائی، انہوں نے ہی طے کیا کہ ان کے دانت کیسے ہوں، ان کے بال کیسے ہونے چاہیے۔سید نور کے مطابق یہاں تک کہ انہوں نے یہ بھی طے کیا کہ ریشم کس طرح کا لباس پہنیں گی اور کون سا لباس ان پر جچتا ہے، انہوں نے ان کی بطور اداکارہ ایک پہچان بنائی، وہ ان کی ہی پروڈکٹ ہیں۔سید نور نے ریشم کے انڈسٹری میں کام سے متعلق بات کرتے ہوئے کہا کہ مجھے نہیں معلوم کہ وہ کام کیوں نہیں کر رہی یا لوگ اسے کاسٹ کیوں نہیں کر رہے لیکن میرے پاس اس وقت اداکارہ کیلئے کوئی کردار نہیں ہے۔ہدایتکار نے مزید کہا کہ اگر میرے پاس ریشم کے لیے کوئی کردار ہوا تو میں انہیں ضرور دوں گا، وہ مجھے کبھی اپنا استاد تسلیم نہیں کرتی، وہ مجھے اپنے ساتھ دوسرے اساتذہ کا کام دکھائے۔مزید انہوں نےکہا کہ اداکارہ سجل علی کے وہ فین ہیں ، اداکاہ ماہراہ خان ایک اچھی اداکارہ ہونے کے ساتھ ساتھ اچھی انسان بھی ہیں جب کہ اداکارہ صبا قمر کو مجھ جیسے ہدایت کار کے ساتھ فلمیں کرنی چاہیے۔ واضح رہے کہ ریشم نے کہا تھا کہ سید نور بدقسمت ہیں جنہوں نے صائمہ کی  محبت کی وجہ سے میرے ساتھ کام کرنا چھوڑ دیا۔ریشم کا کہنا تھا کہ’ میں مانتی ہوں کہ میں نے اچھی اور بری فلموں میں کام کیا لیکن اس کا ذمہ دار کون تھا؟ سید نور میرے مزاج کے ڈائریکٹر تھے لیکن انہوں نے صائمہ جی کی محبت میں گرفتار ہوکر مجھے کام دینا بند کردیا۔