رمضان المبارک کی آمد قریب ہے میڈیا انڈسٹری نے رمضان ٹرانسمیشن کی تیاریاں شروع کردی ہیں، ہر چینل کی خواہش ہے کہ اس کے پاس کوئی نامور نعت خواں موجود ہو۔۔ پپو نے انکشاف کیاہے کہ اس بار کوئی مشہور عالم یا نعت خواں پی ٹی وی پرجانے کا خواہش مند نہیں۔ پپو کے مطابق پی ٹی وی پر نئے نعت خوانوں کو متعارف کرانے کے لئے ان سے لاکھوں روپے ڈیمانڈ کی جارہی ہے پپو کو پی ٹی وی کے ذرائع نے بتایاہے کہ اس سلسلے میں کچھ شکایات پی ٹی وی کے اعلی حکام کو پہنچی ہیں جس کا سخت نوٹس لیاگیاہے اور اس سارے معاملے کی انکوائری شروع ہوگئی ہے۔۔ پپو کا کہناہے کہ نئے نعت خوانوں کو کہاجارہاہے کہ اگر آپ کو شہرت چائیے تو پی ٹی وی کی رمضان نشریات پر موقع مل سکتاہے لیکن اس کے لئے پیسے دینے ہونگے۔۔پپو کے مطابق جوڑتوڑ میں ایک پرائویٹ بندہ ملوث ہے جو ایک اینکر کے بہت قریب اور اکثر نعت خوانی کی محافل میں نظامت بھی کرتاہے، لیاقت آباد کا رہائشی یہ بندہ خود کو سید بھی کہلواتاہے۔ دوسری طرف پپو نے یہ بھی انکشاف کیاہے عوامی اینکر نے گزشتہ دنوں آدھی رات کو بول نیوز کے مالک شعیب شیخ سے ملاقات کی جس میں رمضان نشریات کے حوالے سے اہم امور طے کئے گئے۔۔ واضح رہے کہ بول کا دعوی ہے کہ عوامی اینکر ان کے ساتھ رنضان نشریات کرینگے لیکن عوامی اینکر نے متعدد بار سوشل میڈیا پر دعوی کہاہے کہ وہ رمضان صرف پی ٹی وی نیوز پر کرینگے۔۔پپو نے بول انتظامیہ سے سوال کیاہے کہ گزشتہ سال رمضان نشریات میں بلائے گئے علما کرام کواب تک ادائیگی نہیں ہوسکی تو کیا وہ اس بار آپ کی نشریات کرینگے؟؟
