رائیونڈ پریس کلب کے چیف آرگنائزر عبدالرحمن رامے ، جنرل سیکرٹری عبدالرزاق سید ، پی یوجے رائیونڈ یونٹ میاں زین علی ، سید شہباز حیدر سمیت صحافیوں کے وفد نے لاہورپریس کلب کا دورہ کیا۔ صدر ارشد انصاری ، ممبرگورننگ باڈی عمران شیخ ،کونسل ممبر اعجاز اعوان اورشاہد علی نے وفد کا استقبال کیا۔ وفد کو لاہورپریس کلب کے مختلف حصوں کا دورہ کرایا گیا اور ممبران کو مہیاکی گئی سہولیات سے آگاہ کیا گیا ۔ صدر ارشد انصاری نے اس موقع پر کہاکہ لاہورپریس کلب اپنے ممبران کو پیشہ وارانہ ذمہ داریاں اداکرنے کے لئے کلب میں اور زندگی کے ہرپلیٹ فارم پر سہولیات فراہم کرتاہے اور ایسے پروگرامز ترتیب دیئے جاتے ہیں جس سے انھیں زیاد ہ سے زیادہ وفائد حاصل ہوں۔ انھوں نے مزید کہاکہ ہم نے ہمیشہ کوشش کی ہے کہ ملک بھرکے صحافیوں کو ایک پلیٹ فارم پر اکھٹا کیا جائے اور ان میں اتحادویگانگت پیداکی جائے تاکہ شعبہ صحافت میں درپیش مسائل سے بخوبی نمٹاجاسکے۔ رائیونڈ پریس کلب کے چیف آرگنائزر عبدالرحمن نے صدر ارشد انصاری کا شکریہ ادا کیا اور انھیں یقین دلایا کہ وہ صحافیوں کودرپیش مسائل کے حل میں ہمیشہ ان کے شانہ بشانہ کام کریں گے۔ انھوں نے لاہورپریس کلب میں ممبران کو مہیا کی گئی سہولیات پرصدر ارشد انصاری کو خراج تحسین پیش کرتے ہوئے امید ظاہر کی کہ وہ مستقبل میں بھی اپنی کاشوں کو جاری رکھیں گے اور انھیں رائیونڈ پریس کلب کا دورہ کرنے کی دعوت بھی دی جسے صدر ارشد انصاری نے شکریہ کے ساتھ قبول کرتے ہوئے جلد رائیونڈ پریس کلب دورہ کرنے کاوعدہ کیا۔
