ریڈیوپر ملازمت کے دوران ہراساں کیاگیا، اداکارہ۔۔

معروف ماڈل و اداکارہ یشما گل نے انکشاف کیا ہے کہ انہیں کم عمری میں جنسی ہراسانی کا نشانہ بنایا گیا، تاہم  ڈراما انڈسٹری میں کبھی اس طرح کے مسائل کا سامنا نہیں ہوا۔ایک انٹرویو میں  انہوں نے بتایا کہ انہوں نے کم عمری میں ہی بطور ریڈیو جوکی کام کرنا شروع کردیا تھا، جہاں انہیں مسائل کا سامنا رہا۔یشما گل کا کہنا تھا کہ جب وہ بطور آر جے کام کر رہی تھیں، تب انہیں نامناسب رویوں کا سامنا کرنا پڑا۔انہوں نے انکشاف کیا کہ جس ریڈیو اسٹیشن پر وہ کام کرتی تھیں، وہاں کے میک اپ آرٹسٹ نے انہیں جنسی ہراسانی کا نشانہ بنایاجس پر انہوں نے وہیں رونا شروع کردیا۔یشما گل کا کہنا تھا کہ وہ اس وقت کم عمر تھیں، اس لیے انہیں چیزوں اور باتوں کا درست انداز میں علم نہیں تھا۔اداکارہ نے مزید کہاکہ انہیں ڈراما انڈسٹری یا شوبز میں کبھی جنسی ہراسانی کا سامنا نہیں کرنا پڑا۔