قربانی کا گوشت دیکھتی تک نہیں، زارانور عباس۔۔

معروف اداکارہ زارا نور عباس نے انکشاف کیا ہے کہ انہوں نے کبھی گوشت کو ہاتھ نہیں لگایا۔نجی ٹی وی کے پروگرام میں گفتگو کرتے ہوئے زارا نور عباس نے کہا کہ میں گوشت کے قریب بھی نہیں جاتی، یہاں تک کہ قربانی کا گوشت دیکھتی بھی نہیں ہوں۔ انہوں نے کہا کہ اس بار عیدالاضحیٰ پر اپنے والدین کے گھر ہوں اور جب اپنے سُسرال میں ہوتی ہوں تو وہاں میری ساس ہی قربانی کا سارا گوشت دیکھتی ہیں۔ اداکارہ نے کہا کہ میں کھانا نہیں پکاتی جبکہ میرے شوہر ہمیشہ مجھے سے کچھ پکانے کی درخواست کرتے ہیں لیکن اس بار میں نے سوچا ہے کہ میں اپنے شوہر کے لیے نمکین گوشت بناؤں گی۔اُنہوں نے مزید کہا کہ اسد اور ان کے سارے بھائی گوشت کھانے کے بہت شوقین ہیں، اسی وجہ سے میں نے کوکنگ کے لیے نمکین گوشت کا انتخاب کیا ہے۔