پنجاب یونین آف جرنلسٹس کی نو منتخب باڈی کا اجلاس گذشتہ روز صدر قمر الزمان بھٹی کی زیر صدارت ہوا۔ اجلاس میں سینئر نائب صدر خرم پاشا، نائب صدر یوسف عباسی، سینئر جوائنٹ سیکرٹری عطیہ زیدی، خزانچی بدر ظہور چشتی، ایگز یکٹو باڈی کے ممبران جمال احمد، جاوید ہاشمی، شہزاد ملک، ظہیر عباس، رانا نایاب، تصور ہاشمی ،مرتضیٰ باجوہ اور خاوربیگ نے شرکت کی۔ اجلاس میں کراچی میں اگلے ماہ ہونے والی بی ڈی ایم کے انتظام و انصرام کے حوالے سے تفصیلی گفتگو کی گئی ۔سینئر نائب صدر خرم پاشا کی سربر اہی میں نائب صدر یوسف عباسی، جاوید ہاشمی، شہزاد ملک اور خاوربیگ پرمشتمل ایک ایونٹ کمیٹی تشکیل دی گئی ، جو یونین کے حوالے سے مختلف ایونٹس کے انعقاد کے حوالے سے کام کرے گی ۔خزانچی بدرظہور چشتی کی سربراہی میں بھی ایک کمیٹی تشکیل دی گئی جس کے ممبران جمال احمد اور جاوید ہاشمی ہیں ۔یہ کمیٹی کراچی میں ہونے والی بی ڈی ایم کے ممبران سے رابطہ کار کے طور پر کام کرے گی۔اجلاس میں نو منتخب عہدیدران کی حلف برداری ،یونین کے بینک اکاﺅنٹ سمیت دیگر امور پر بھی تفصیلی بات چیت کی گئی۔ ہاﺅس میں کامیاب اورشفاف الیکشن کے انعقاد پر الیکشن کمیٹی سعید اختر ، حسین کاشف ، اکرم ضیاءکو زبردست خراج تحسین پیش کیا اور متفقہ طور پر آئندہ انتخابات کیلئے مذکور ہ کمیٹی کے ناموں کو بطور الیکشن کمیٹی تجویر کیا گیا ، جس کی ہاﺅس نے بھرپور تائید و حمایت کی ۔اجلاس میں میڈیا انڈسٹری کے موجودہ بحران کے حوالے سے تمام شرکاءنے تشویش کا اظہار کرتے ہوئے اس کی شدید مذمت کی۔
