پنجاب یونین آف جرنلسٹس کے الیکشن میں جرنلسٹس یونٹی پینل نے کلین سویپ کیا۔ ۔صدر کی نشت پر جرنلسٹس یونٹی پینل کے قمرالزمان بھٹی نے 328 ووٹ لئے اور مسلسل دوسری بار صدر منتخب ہوئے۔ان کے مد مقابل جرنلسٹس فر ینڈزکے امیدوار ابراھیم لکی نے 241 ووٹ حاصل کیے ۔سینئر نائب صدرکی نشست پر جرنلسٹس یونٹی پینل کےمحسن علی 275 ووٹوں سے منتخب ہوئے جبکہ نائب صدر کی نشت پر جرنلسٹس یونٹی پینل کے محمد بابر226 ووٹ لے کر منتخب ہوئے۔مدمقابل امیدوارں قاسم رضا نے 225 اور خرم پاشا نے 195 ووٹ حاصل کیے ۔جنرل سیکرٹری کی نشست پر جرنلسٹس یونٹی پینل کے خواجہ آفتاب حسن 331 ووٹ لے کر مسلسل دوسری مرتبہ منتخب ہوئے ان کے مد مقابل بدر ظہور چشتی نے 215 ووٹ حاصل کیے ۔ سینئر جوائنٹ سیکرٹری کے لئے عطیہ زیدی نے 263 ووٹ حاصل کیے جبکہ طارق حسن 207 کے ساتھ جوائنٹ سیکرٹری منتخب ہوئے ۔خزانچی کی نشت پر جرنلسٹس یونٹی پینل کے ندیم شیخ 291 ووٹ کے ساتھ فاتح رہے ان کے مد مقابل محمد علی جٹ نے 251 ووٹ حاصل کیے ۔اسی طرح ایگزیکٹو کونسل کی 10 میں سے 8 نشتوں پر جرنلسٹس یونٹی پینل نے میدان مار لیا۔2 نشتوں پر جرنلسٹس فر ینڈز کے کامیاب ہونے والے امیدواروں میں صبا ممتاز اور اسد اقبال شامل ہیں جرنلسٹس یونٹی کےکامیاب امیدوارں میں شاہدہ بٹ 260صبا ممتاز ۔248عدنان بٹ۔245جاوید ہاشمی۔242۔قمر جبار۔236۔خاور بیگ۔ 225۔حسن رضا۔222۔عمران چودھری210۔جواد حسن گل۔175۔اسد اقبال نے167 ووٹ حاصل کیے۔الیکشن نتائج کے اعلان کے موقع پر نومنتخب صدر قمرالزمان بھٹی نے کہا کہ وہ صحافیوں کی معاشی آزادی اور آزادی صحافت کے تحفظ کی جدوجہد جاری رکھیں گے۔تقریب میں جرنلسٹس گروپ کے چیئرمین اور صدر لاہور پریس کلب ارشد انصاری نے کہا کہ صحافیوں کے حقوق کے تحفظ کے لئے یونین میں ڈھڑے بندیوں کو ختم کرنا ہوگا۔
