پنجاب یونین آف جرنلسٹس کے الیکشن میں نعیم حنیف صدر اور قمرالزمان بھٹی بلا مقابلہ جنرل سیکرٹری منتخب ہوگئے۔ پی ایف یوجے کے سیکرٹری ارشد انصاری نے لاہور پریس کلب میں صحافیوں کی کثیر تعداد کی موجودگی میں پی یوجے کی نو منتخب قیادت کا اعلان کیا۔ جس کے مطابق نعیم حنیف صدر ، یوسف عباسی ( ایکسپریس نیوز) سینئر نائب صدر ، ندیم زعیم ( 92 نیوز ) نائب صدر ، قمرالزمان بھٹی ( مینٹ مرر ) جنرل سیکرٹری ،مدثر حسین تتلہ (دنیا نیوز )جوائنٹ سیکرٹری ، شیر علی خالطی( دی نیوز ) جوائنٹ سیکرٹری ، نسیم قریشی (جنگ ) خزانچی منتخب ہوگئے جبکہ ایگزیکٹو کونسل کے لئے جاوید فاروقی ، گوہر بٹ، ظہیر شہزاد ، کاشف سلمان ،اعجاز مقبول ،خواجہ حسان احمد ، طلال اشتیاق ، شاہد رضوی ، صلاح الدین بٹ ، نائلہ ندیم ، حسنین اخلاق ، عدنان بٹ ، مسعود ظفر ، جمال احمد ، افضل ایوبی عمر حفیظ شامل ہیں ۔ پی ایف یو جے کے سیکرٹری ارشد انصاری نے نو منتخب صدر نعیم حنیف اور جنرل سیکرٹری قمرالزمان بھٹی اور ایگزیکٹو کونسل کو مبارک باد دیتے ہوئے کہا کہ نو منتخب باڈی ملک میں صحافیوں کو درپیش مسائل، پیکا ترمیم بل جیسے کالے قوانین کے خلاف جدو جہد میں اہم کردار ادا کرئے گی ۔دریں اثناا لاہور پریس کلب کے صدر ارشد انصاری، سینئر نائب صدر افضال طالب، نائب صدر صائمہ نواز ، سیکرٹری زاہد عابد، جو ائنٹ سیکرٹری عمران شیخ ، فنانس سیکرٹری سالک نواز اور اراکین گورننگ باڈی نے پنجاب یونین آف جرنلسٹس (برنا) کے سالانہ انتخابات میں نو منتخب صدر نعیم حنیف سینئر نائب صدر یوسف عباسی ، نائب صد ندیم زعیم ، جنرل سیکرٹری قمر الزمان بھٹی ، جوائنٹ سیکرٹریز سید فاطر شاہ اور مدثر حسین تتلہ ، فنانس سیکرٹری کاشف سلمان او را یگزیکٹوکونسل کی نشستوں پر جاوید فاروقی، گوہر بٹ، ظہیر شہزاد، اعجاز مقبول، خواجہ حسان ، طلال اشتیاق، شاہد رضوی، عدنان بٹ، ڈاکٹر عمر حفیظ ، نائلہ ندیم، حسنین اخلاق ، مسعود ظفر، جمال احمد، افضل ایوبی اور شیر علی کو بلا مقابلہ منتخب ہونے پر مبارکباد پیش کی ہے۔ صدر ارشد انصاری نے مبارکباد کے پیغام میں امید ظاہر کی کہ نو منتخب عہدیداران شعبہ صحافت، صحافیوں کو در پیش مسائل اور آزادی صحافت و آزادی اظہار رائے کے لئے دیگر صحافتی تنظیموں کے ساتھ ملکر اپنا بھر پور کردار ادا کریں گے۔
