وفاقی وزیر اطلاعات ونشریات سینیٹر شبلی فراز نے کہا ہے کہ پی ٹی وی قومی ادارہ ہے ، اس کی عظمت رفتہ کی بحالی اولین ترجیح ہے ،ماضی کے ناظرین واپس لاناپی ٹی وی کے تمام چینلز کی اولین ترجیح ہونی چاہئے ،حکومت کے اقدامات، وزیراعظم کی اقوام متحدہ اور دیگر عالمی فورمز پر تقاریر علاقائی زبانوں میں ترجمہ کر کے عوام تک پہنچائی جائیں، جمعرات کو پی ٹی وی کے جنرل منیجرز کے اجلاس سے خطاب کرتے ہوئے انہوں نے کہاکہ وزیراعظم کے اسلاموفوبیا اور ناموس رسالت ؐ پر دو ٹوک موقف، عالمی فورمز پرکشمیر کا مقدمہ لڑنے ، ملکی تشخص کو اجاگرنے سمیت حکومتی اقدامات کو22کروڑ عوام تک پہنچانے کے لئے پی ٹی وی اور دیگر ریاستی میڈیا کاکلیدی کردار ہے ، پی ٹی وی کے علاقائی مراکز علاقائی موسیقی اور ثقافت سے متعلق پروگرام ترتیب دیکر ناظرین تک پہنچائیں،ہمیں نوجوان نسل کو اپنی ادبی شخصیات اور قومی ہیروز سے روشناس کرانا ہے ، اس ضمن میں اقدامات اٹھائے جائیں،پی ٹی وی اپنے ناظرین کے لئے اپنے مواد کو مزید بہتر اورمربوط آرکائیوز کے لئے اقدامات اٹھائے ۔
